Andesta Trio - Raja Cinta

Judul : Raja Cinta
Penyanyi : Andesta Trio
Cipt : Anton Siallagan

Sahali piltik naikkon do targoda
dua hali piltik ikkon do jatuh cinta
tolu hali piltik gabe targila-gila
Soal biasa do diau nasongoni

**
Tung songon dia pe uli ni rupam
ikkon mangunduk naso jadi manjua
Molo dukkon sahat marsijalangan tangan
ikkon mangihut tudia pe au lao

Reff...
gabe didok ma goarhi si raja cinta
molo martandang au nungnga sude mananda
sipata tolu halaki di sada huta
tung so hea na tolu i gabe marbada
ise na songon au sude do mandok au
siraja cinta didok gelar hu
ise na songon au sude do mandok au
siraja cinta didok gelar hu

Trio Santana - Marnipi

Judul : Marnipi
Penyanyi : Trio Santana
Cipt : Jack Marpaung

Lungun nai
dukkon borhat ho ito
manadikkon au manadikkon au
marnipi ma au
modom au diabingan mi
tung massai sonang
do rohakki

hape dukkon tarsunggul ma au ito
huingot ma sude na nipikki
ima sian simanjujungki
sai maraburan ilukki
tung hassit parir dangol
nasai tarpaima-paima
songon nipi mangalo arsak hasian

Paniel L Panjaitan - Hape Lao Do Ho

Judul : Hape Lao Do Ho
Penyanyi : Paniel L Panjaitan
Cipt : Tagor Tampubolon

Dibondar i do hita nadua
mandadap Dekke i di tikki i
di galmit ho ma ito da hurummi
tung sonang 2x rohakki tikki i

Didoit passat i da simanjojak mi
Didokkon ho ma tu au
{..buat jo ito passat on ah..}
laos dihatahon ho tu au
holong ni roham mi
tung gomos sai hupeop
hatam ni unduk mi

hape lao do ho tu nadao
ditadingkon ho sasada au
dang huboto didia ho ito
sai tarpaima do au di baritam
holan huida bohimi ngasonang rohakki
o... ito o...o... da hasian

Trio Santana - Goar Na Sinulam

Judul : Goar na sinulam
Penyanyi : Trio Santana
Cipt : Robert Marbun



Goar mi nang dohot goar hi
Tung uli do i disulam ho
ido tanda parjanjian uju i
Na marpadan au dohot ho

Sai gattung-gattung dope nuaeng
Di dorpi bilut podaman ki
lao modom manang dukkon dungo au
sai huida do sulaman i


Reff...
goarta na sinulam mi ito
gabe parningotan nama i diau
ai nungga muli ho ito tu sidoli lomo mi
goarta na sinulam mi ito
siboan lungun nama i diau
molo sai sai hubereng i
halilum mangarsak au hasian

Paniel L Panjaitan - LEDY (versi batak)

Judul : LEDY (She's Gone versi batak)
Penyanyi : Paniel L Panjaitan
Cipt : Victor Sitompul

Lao ho dao sian au
alani ni pambahenan ki nasoture
holongki
dang boi dao sian holong mi

ngolukkon dang marhasoan
mago sude nang adong o
manolsoli au ito
sala ma au a...aaa..

Reff..
Ledy sarihon au ito
rohakki sai hot do tuho
Ledy anju ma au ito
holongki holan diho
Ledy oh ledy oh ledy

Lao ho dao sian au
o..Lao ho lao tu nadao
Aha ma baenonku mangambati
anju ma au a....aaa....

Mulak tu Reff

Simenstar Trio - Boru jawa

Judul : Boru Batak vs Boru Jawa
Penyanyi : Simenstar Trio
Cipt : Star Pangaribuan

Gabe olo do sipata tahe da..
Tata roha niba marnida
boru ni raja na di jabuan

Adong do sada tarhira sahit di boru hita,
Na olo ima losok rohana mangurus dirina.
Parsaurangan dope nian nga hira naung matua, eh..he

Gabe olo do sipata tahe da,
tata roha niba marnida boru ni raja na dijabu an..uhm
Laos olo ma sipata tahe da tubu sangkap sangkap ni roha
lao mangalap boru Jawa…

Sai mangapian do anggo roha mida boru Jawa
Na malo i ma mambuat roha ni sinondukna.
Nang naung sia urang,
sai ro dope ijur tahe marnida ah ah

Gabe olo do sipata tahe da, tata roha niba
marnida boru ni raja na dijabu an
Laos olo ma sipata tahe da
tubu sangkap sangkap ni roha
lao mangalap boru Jawa.

Ai ianggo boru nda, ala boru ni raja i (i ma da)
Olo do i sipata salpu hata na i (eh tahe)
Molo pinasingot pintor kariting ma bohina on
jalo songon ipit2 simangkudap on


Gabe olo do sipata tahe da, tata roha niba
marnida boru ni raja na dijabu an

Alai, boru jawa adong silangkona
so disarihon ari sogot

Gabe ninna roha ima muse da
Na tuani ma nialap hape da boru ni raja na di jabuan
Nang pe na remeng nasida
jala olo nang salpuan hata na
Alai manghorhon do tuna denggan

Jala pe humurang pansarian
na sai luluan na do dalan
humonghop angka dakdanak na on

Ai ianggo boru Jawa do ninna
molo tar hurang sidabuan
na olo ima nina, “la..la..la” haha

Alai adong muse do tahe da
halobian ni boru Jawa
maradophon siadopanna on ohoh
Na sai mengkel ima dungoan
nang pe tolu hali saborngin
padampol dampol dagingniba on

Ai ianggo boru hita do ninna olo do gasaon nasida
molo digoit dipodoman on, (ah.. ha)
Ai so na gabe pandampol-dampol mu ahu umbahen na saut ahu tu ho da.
Di boto ho do i!”, sai pintor ninna do tu iba.

Gabe olo do sipata tahe da, tata roha niba
marnida boru ni raja na dijabu an
Laos olo ma sipata tahe da

Trio Ambisi - Boru Hasianku

Judul : Boru Hasian Ku (Boru Nabasa)
Penyanyi : Trio Ambisi

Boru hasianku
boru sinuanbeuku nabasa
Nunga magodang ho
naikkon muli nama ho
Boruku da hasian

Nuaeng pe inang
ai nunga ro be rokkap mi helaki
Dimangajanaon
jakkon ma pasupasu ni natorop i
Pir ma tondim

Reff
Burju ma ho o boruku
pature siadopanmi
Sai unang lupa ho inang
manuhuk simatua mi
Asa tanda boru ni raja ho

Tubu ma laklak nang sikkorung
da di dolokni purba tua
Tubuan anak dohot boru
jala sahat saur matua
Tangianhi ma boruku na mandongani ho di nadao

Marsiamin aminan marsianju-anjuan
dainang dohot helaki
Ingot ma padan na ni undukmi
na di jolo ni pandita i
Tung na so jadi ho marsirang
so sinirang i hamatean
I do hata ni Tuhan i

Garis ni Tangan

Aut sugari ma nian tardungdung au
timbo ni haui
Putikhononku, putikhononku ma nian
parbue na denggan
Alai roha nunga tung loja
Na niluluan so tardungdung ni tangan

Aut sugari ma nian tardodo au
rongkap ni tondingki
Todoonku todoonku do inang
songon na nidokmi

Alai suratan garis ni tangan
Ingkon jaloon nunga bagian

Reff:

Manang na bintang pe inang manang na bulan
Ido palito sulu-sulu molo borngin
Namanorangi langkangki di hagolapon
Manang na hurang pe inang nang so lobian

Ido helamu rongkaphi donganhu gabe
Laos mandongani langkangki sarimatua
Ai ndang marimbar dainang
jolma na di portibion

Asal ma masipaturean
denggan doi da haduan
Tupa doi da haduan.

Trio Amsisi - Pajumpang Di Pengkolan

Judul : Pajumpang Di Pengkolan
Penyanyi : Trio Amsisi 2000
Cipt : Iran Ambarita

nunga tung leleng dang pajumpang
dohot siboru ni tulang
aut boi ma nian pajumpang
lehononkku marnapuran 2 x

husukkuni akka pardalan
dohoton anakadongan
didia maringanan
boru ni tulang siporiban 2x

tra la la la la la la la
dinaso panagaman boi pajumpang
pajumpang di pengkolan 2x
amang tabonai
tra la la la la la la la
pittor huta ima marsijalangan
hutiop ma tanganna 2x
amang sodapnai

pittor ditarik ma tanganna
dipadao ma bohina
amang ngerinai
hupanotnoti ma bohina
hape naboru sina do itoani
pajumpang dipengkolan 3x
amang ilanai

Nixon Simanjuntak - Martopak Sada Tangan

Judul : Martopak Sada Tangan
Penyanyi : Nixon Simanjuntak
Cipt : Mangara T. Manik

Malo nai ho hasian na mangotoi au
songon pidong au hona sambil au dibaen ho
Gait-gait mu do hape dang na toho i sude
holong mi nasa ujung ni obut pe
dang di lehon ho roham tu au ito


**
satonga mate au ito manghaholongi ho
hurippu do burjum ito mangundun hata i
meam-meam do hape holan gabus do hape
holong mi haccit na diau ito
holong hi martopak sada tangan

tumagon nama au lao hasian mandao sian ho
tumagon ma lupahon non ku ho sian bagas rohakki
dang olo au ito dang olo au sega alani ho



Mulak tu **

Toga Nainggolan

Judul : Toga Nainggolan
Cipt : William Star Baho

Toga nainggolan pinoppar ni siraja lontung,
Parbahul bahul nabolon jala parholong,
Dua mai tahe na pinopparna,
Siraja batu ima buha bajuna,
Siruma hombar ima siampudanna,

Oppui siraja batu dua ma ianakhonna,
Sibatuara dohot parhusip,
Oppu siruma hombar opat ma anak na,
Lumban nahor dohot mogot pinayungan,
Lumban siantar dohot huta balian,

Batuara dua ma anakna siahaan dohot siappaga,
Mogot pinayungan dua ma anakna,
Lumban tukkup dohot lumban raja,

**
Toga nainggolan napinoppar nai torop diparserahan
Dipusuk ima marga nahula, sibuaton dohot marga pusuk
Diuluan nang disihotang, dipahae, nang di pardagangan
Pinoppar ni toga nainggolan
Tong tong sihaholongan

Toga nainggolan... parbahul bahul nabolon
Toga nainggolan... paramak so balunon




 

Manis Trio - Di Onan Ganjang

Judul : Di Onan Ganjang
Penyanyi : Manis Trio
Cipta : Robert Marbun


Di topi ni aek sibuluan
jot-jot hita tusi padua-dua
loasdi do ito hu hilala sude
tabo ni na marhamlet
marsitiopan marsihaolan
di paridian i

di puncuk ni dolok pinata
disi hita ito mangunduk padan
manang ise hita ito sian hita muse
na mose sian janji
ikkon masursur ikkon tabonom
dipanatapan i

hape nungga didia ho ito
didia ho nuaeng da hasian
naso diingot ho be au ito
dongan marpadanmon
masihol au tuho haholongan
malungun au ito marnida ho
di onan ganjang au ito tarpaima
paima-ima ho

Manis Trio - Lupahon Ma Au

Judul : Lupahon Ma Au
Penyanyi : Manis Trio


Tinggal hon maau itotinggal hon ma hasian
lupahon ma au2x sian rohami
unang be sai ingot ito
padan ta na ujui luphon mai2
ito hasian

Dang tartaon au ito
mardongan rap dohot ito
sai tarilu-ilu sai tarilu-ilu
do au dibaen ho
soada borsir na ito alai sai muruk ho
dang tarjalo au2x pambahenan mon

unang dirippu ho ale ito
na sai gulut dirupa au
manang dirippu ho ale ito
nasai gulut diarta au
sonanggo dope nga lomolomon tu au
ngasae bei 2x ito hasian

Rita Butarbutar - Batu Gattung

Judul : Batu Gattung
Penyanyi : Rita Butar-butar
Cipt : Bhuntora Situmorang

Sai marsak rohakki ale ito
Rohakku sai holan na busesaon
Mata dang tarpodom sai laos marangan-angan
Tung aha do ulaning naeang ro tu au
Rohakku manolsoli di bagasan

Hape tompu ma naso panagaman
Ro ma surat mi tu au ito
Surat mu na parpudi mandok ho naeng ma muli
Ditostos ma rohakku dibagasan
Ilukku ma ito sai maraburan

Ai anggo au da ito dang tarbaen au lao ro
Lao mangadope pesta mi songon tonam di surat mi
Tu batu gattung do au lao di topi tao toba
Lao mangaluhon sude na hinalungun ni roha
Ido saksi padan tai

Manang ise hita nadua mose di janji
Gattung ma ibana songon batu gattung on
Ido anggo sumpa ni padan ta
Ditikki hita rap padua-dua

Rita Butar-butar - Tung Sopola Jujurokku

Judul : Tung Sopola Jujurokku
Penyanyi : Rita Butar-butar
Cipt : Sakkan Sihombing 

Ho na mandok holong roham tu au ito
Ho do namandok na ikkon saut bogas tai
tung massai lambok dihusippun ho
Na mambaen gabe tarpangan rohakki


**
Songoni itak putih na tapangan da ito
Songon aek mual na tio da hasian
Songoni ma rohakki manjalo holong mi
hape tung mangapo do i sude

Hape dung hu pasahat holongki tu ho
Hurippu do gabe pasonang rohakki
Naso panagaman ki muba ho dijanjimi
lupahon ma ito nimmu tuau
Tarhirim au dibaen ho ale ito
Dibaen ho maniak ate-atekki
Hassit ma pambaehon mi tu au da hasian
Tung sopola jujuronku i ito